«ÁZIRET SULTAN» MEShITI SANDYQ TEHNOLOGIIaǴA BEIIMDELÝDE (VIDEO)

Elorda tórinde ornalasqan «Áziret Sultan» meshitinde kúnnen kúnge jamaǵat kóbeıýde. Tıisinshe,  qyzmetkerlerdiń jumysyn jeńildetý maqsatynda meshit jańa tehnologııalarmen jabdyqtalyp keledi. Máselen, sońǵy bir jyl ishinde qyzmetkerlerdiń jumysqa kelgen jáne ketken ýaqytyn bazaǵa engizip otyratyn saýsaq izin basatyn qurylǵy ornatyldy. Sondaı-aq, namazda ımamdyqqa shyǵatyn din qyzmetkeri men azanshylarǵa arnalǵan bólmege kirý úshin Face-ID qaýipsizdik júıesi ornatylǵan. Arnaıy qyzmetkerler ǵana kire alatyn azanhanada ımamdardyń jeke zattarymen qosa, ýaǵyz-nasıhat júrgizgende, is-sharalar jáne namaz ótkizgende paıdalanylatyn dybys shyǵarýǵa arnalǵan tehnıkalyq qurylǵylar ornalasqan.

Osydan birneshe kún buryn namazdyń aldynda namaz oqýshy jamaǵatqa aldyn ala daıyndalǵan aýdıoeskertpe bazaǵa engizildi. Endi azanshy qamat aıtyp bolǵannan keıin bir túımeni basý arqyly jamaǵatty mańyzdy eskertpelermen qulaǵdar etedi.

Aıta keteıik, meshit qyzmetkerleriniń barlyǵy derlik kompıýtermen qamtamasyz etilgen. Sondaı-aq, meshitimizde dinı baǵdarlama túsiretin stýdııa, aýdıostýdııa jáne aqparattyq, rýhanı-aǵartý portalynyń ákimshiligi ornalasqan.