«ÁZIRET SULTAN» MEShITI: «RAMAZAN JÁNE BAS IMAM SAǴATY» ÓTÝDE (FOTO)

Elordadaǵy «Áziret Sultan» meshitinde apta saıyn «Ramazan jáne bas ımam saǵaty» aıdary boıynsha ýaǵyz-nasıhat aıtylýda. Búgin qala bas ımamy Erbolat Nuryldauly kezekti ýaǵyzynda Ramazan aıynyń sońǵy kúnderiniń artyqshylyǵyn aıtyp, qasıetti aıdyń sońǵy 10 túnin qulshylyqpen ótkizýge shaqyrdy. Besin namazynyń aldynda aıtylǵan ýaǵyz-nasıhatqa 200 shaqty jamaǵat qatysyp, tyń aqparattarǵa qanyqty. Bas ımam nasıhatynan keıin jamaǵat  ózderiniń kókeılerinde júrgen suraqtarǵa jaýap aldy. 

Sondaı-aq, «Áziret Sultan» meshitinde kún saıyn saǵat 11:00-13:00 aralyǵy men 15:00-17:00 aralyǵynda «Ramazan saǵaty» ótýde. Atalǵan aıdar boıynsha, kezekshi ımamdar qasıetti aıda meshitti zııarat etip kelgen jamaǵatqa orazaǵa qatysty aqparattar berip, kelýshilerdiń suraǵyna jaýap berip keledi.