«ÁZIRET SULTAN» MEShITI QARIIaLARǴA QÝANYSh SYILADY (FOTO+VIDEO)

Ótken apta sońynda Astana qalasyndaǵy «Áziret Sultan» meshitiniń uıymdastyrýymen «Sharapat» áleýmettik qyzmet kórsetý ortalyǵyna arnaıy zııarat jasalyp, qarııalarǵa qurmet retinde «Qarııalar – qazynamyz» atty shara ótti.

Qarttar men múmkindigi shekteýli jandarǵa qyzmet kórsetetin ortalyqqa «Zeket jáne qaıyrymdylyq» qorynyń Astana ókildigi boıynsha jaýapty ókili Mereı Jaqııa bastaǵan meshit qyzmetkerleri arnaıy syılyq sómkelerin úlestirip, qarııalarǵa merekelik baǵdarlama usyndy. Qarttar kúnine oraı ortalyqtyń barlyq turǵyndaryna gúl shoqtary taratylyp, izgi tilekter aıtyldy. Sondaı-aq, qarııalarǵa án men kúıden shashý shashylyp, merekelik kóńil kúı syılady.

Shara barysynda Mereı Jaqııa quttyqtaý lebizin bildirip, qarııalarǵa Nur-Sultan qalasynyń jáne «Áziret Sultan» meshitiniń bas ımamy Erbolat Nuryldaulynyń duǵaı sálemin jetkizdi. Buǵan qosa, demeýshilerdiń qoldaýymen «Sharapat» áleýmettik qyzmet kórsetý ortalyǵyna arnaıy ettartqysh mashına tartý etildi.

Источник: Aidos