ÁIEL JAMAǴATYNA RAMAZAN NASIHATY JALǴASÝDA  (FOTO)

Bas qaladaǵy «Áziret Sultan» meshitinde ár juma saıyn ótetin áıel jamaǵatyna arnalǵan Ramazan aıy týraly ýaǵyz-nasıhat  búgin de óz jalǵasyn tapty.

Meshit ustazy Elmıra Serikbaıqyzy «Ramazan – shúkirshilik aıy» taqyrybynda  taǵylymǵa toly nasıhat aıtty. 

«Múbárak ramazan aıynda oraza tutýshy buryn mán bermeı júrgen kóptegen nyǵmetterdiń qadirin sezinedi. Ashyǵyp, shólirkep Jaratqannyń yrzyq-nesibesiniń, qara sýdyń qadirine jetedi. Kúni boıy ash qursaq júretin jarly-jaqybaıdyń jaǵdaıyn basynan keshiredi. Boıyndaǵy janashyrlyq, baýyrmaldyq sezimi oıanady. Ózinen tómenge qarap shúkirlik etedi. Qolda bar múmkindikterdiń qadirin uǵynady. Sondyqtan, qasıetti aıdaǵy múmkindikti paıdalanyp, shúkirshil qatardyń qatarynan bolýǵa umtylý kerek», - dedi ustaz Elmıra Buharbaeva.

Ýaǵyz sońynda ádettegideı jıylǵan jamaǵattyń suraqtaryna jaýap berildi.