ÁIEL JAMAǴATYNA OTBASY QUNDYLYQTARY NASIHATTALDY (FOTO)

«Sádýaqas qajy Ǵylmanı» meshitinde otbasyndaǵy izgilikti jańǵyrtý maqsatynda shara ótkizildi.

QMDB tóraǵasy, bas múftı Naýryzbaı qajy Taǵanuly 2025 jyldy dinı qyzmet aıasynda «Islam jáne otbasy qundylyǵy» jyly dep jarııalaǵan bolatyn.

Izgi shara ádettegideı meshittiń bas ımamy Rýslan Naqypbekulynyń otbasy qundylyqtary taqyryby aıasyndaǵy kórkem nasıhatymen bastaldy. Áıel adamnyń din men dástúrdegi, otbasyndaǵy mártebesiniń Quran aıattary men hadısterdegi kórinisin tilge tıek etti.

Sharaǵa meshittiń áıel jamaǵaty men ustazdar qaýymy, atap aıtqanda Astana qalasy boıynsha Áıel-qyzdar sektorynyń meńgerýshisi Beket Kúlsara men «Sádýaqas qajy Ǵylmanı» meshitiniń ustazy Aıgúl Kóksegen qatysyp, ıslamdaǵy baqytty otbasynyń úlgilerimen tanystyryp, ana men qyzdyń, ene men kelinniń arasyndaǵy kórkem baılanysty nyǵaıtýdyń joldaryn atap ótti.

Shara sońynda meshittiń bas ımamy Rýslan Naqypbekuly meshit janynan qurylǵan «Analar mektebiniń» qurmetti múshelerine meshitimizdiń qadirmendi jamaǵaty bolǵany úshin, meshit jamaǵaty retinde rýhanı, mádenı izgi sharalarǵa atsalysyp, belsendilik tanytqany úshin alǵys bildirip, syı-sııapat jasady.

Источник: Aidos