Áıel jamaǵatyna oramaldy sándi baılaý ádisterin kórsetti (FOTO)

Búgin, qasıetti juma kúni respýblıkalyq «Áziret Sultan» meshitiniń áıel ustazdarynyń uıymdastyrýymen kezekti kezdesý bolyp ótti. Ár apta saıyn meshittiń áıel jamaǵatyna elimizge belgili tanymal tulǵalar men belgili kásibı mamandar kezdesý ótkizip, jamaǵatqa paıdaly túrli taqyryptardy qozǵap keledi.

«Inabat» qyz-kelinshekter klýbynyń uıymdastyrýymen ótip kele jatqan kezdesý alańyna bul joly áleýmettik jeli arqyly tanymal bolǵan bloger Marjan Ámirtaı shaqyrylyp, oramaldy sándi baılaýdyń ádisteri túsindirildi. Bir oramaldyń ózin túrli pishinde túrlendire baılaýdyń ońaı joldaryn úıretildi. Belgili bloger óziniń sheberlik saǵaty aıasynda hakim Abaıdyń 175 jyldyǵyna oraı suraq-jaýap oıynyn ótkizip, jaýabyn tapqan júldegerlerge oramal syılady.

Kezdesý sońynda Marjan Ámirtaıǵa meshit basshylyǵy atynan alǵys aıtylyp, qasıetti Quran kitaby tartý etildi.

Sýretterdi «FOTOGALEREIa» aıdarynan kóre alasyzdar!