ÁIEL JAMAǴATYNA ARNALǴAN «JUMA NASIHATY» BASTALDY (FOTO)

Búgin Nur-Sultan qalasyndaǵy «Áziret Sultan» meshitinde juma namazynan keıin áıel jamaǵatyna arnalǵan «Juma nasıhaty» jobasy qaıta jalǵasyn taýyp, «Ihsan – rýhanı tárbıe negizi» kitaby aıasyndaǵy ýaǵyzdar toptamasy bastaldy. Nur-Sultan ókildigi Áıel-qyzdar sektorynyń uıymdastyrýymen ár juma saıyn áıel jamaǵatyna osy kitap aıasynda «Juma nasıhaty» aıtylyp turmaq.

Ihsan ilimi aıasyndaǵy alǵashqy kezdesýge QMDB Áıel-qyzdar sektorynyń meńgerýshisi Dınara Qutqojaqyzy shaqyrylyp, jamaǵatqa Jaratýshy Allany taný taqyrybynda ýaǵyz aıtyldy. Kezdesý sońynda ádettegideı jamaǵat suraqtaryna kezek berilip, túrli taqyryptar boıynsha aqparat berildi.