Áıel jamaǵatyna arnalǵan juma nasıhaty bastaldy (FOTO)

Respýblıkalyq «Áziret Sultan» meshitiniń áıel ustazdarynyń uıymdastyrýymen endi ár juma saıyn namazdan keıin qyz-kelinshekter qaýymyna arnalǵan nasıhat saǵaty ótkizilip turatyn bolmaq. Buǵan deıin eldegi karantındik shekteýlerge baılanysty jelisi úzilip qalǵan ıgi dástúr búgin qaıta jalǵasyp, «Áziret Sultan» meshitiniń áıel jamaǵaty juma namazynan soń ustaz Dınara Qutqojaqyzynyń ýaǵyzyn tyńdady.

«Tazalyq – ımannyń jartysy» taqyrybynda sóz órbitken meshit ustazy Dınara Qutqojaqyzy asyl dinimizdegi tazalyq uǵymynyń orny erekshe ekenin jetkizip, Quran aıattary men Paıǵambar (s.ǵ.s.) hadısterinen ónege úıretti. Nasıhat sońynda jamaǵat suraqtaryna da kezek berilip, bilikti ustazdyń tushymdy jaýaptaryna qanyqty.

Aıta ketıik, Nur-Sultan ókildigi Áıel-qyzdar sektorynyń muryndyq bolýymen ıgi shara jalǵasyp taýyp, qasıetti juma saıyn Bas meshittiń áıel jamaǵatyna Elorda ustazdary, bilikti mamandar nasıhat aıtatyn bolmaq.

Sýretter toptamasyn «FOTOGALEREIa» aıdarynan kóre alasyzdar!