ÁIEL JAMAǴATY «QURAN HATYM» JOBASYN BASTADY (FOTO)

Búgin Respýblıkalyq «Áziret Sultan» meshitinde «Quran oqý» jáne «Quran jattaý» tobynyń áıel shákirtteri Quran Hatym jobasyn bastady. Turaqty shákirtter meshitke jınalyp, Quran betterin ózara bólip, bir ýaqytta oqyp shyqty. Berekeli jıyn sońynda bas-aıaǵy bir saǵattaı ýaqytta oqylǵan Qurannyń saýabyn ata-baba rýhyna baǵyshtap, hatym duǵasy jasaldy.

Meshit ustazy Zarına Shamıdýlaqyzy Quran oqý úshin jınalý, birigý – jaqsy (saýapty) is ekenin aıtyp, Ábý Huraıradan jetken «Allanyń úıleriniń birinde jınalyp, Allanyń kitabyn oqyǵan jáne ony bir-birine úıretken qaýymǵa tynyshtyq beriledi, raqym etiledi, olardy perishteler orap alady (qorǵaıdy), Alla olardy Óziniń quzyryndaǵy adamdardyń ishinde eske alady» - degen hadısti aıtyp, jamaǵattyń yntasyn arttyrdy.  

Aıta keteıik,  bul ıgi is Ramazanǵa daıyndyq maqsatynda qasıetti Erejep aıynan bastaý alyp otyr. Sondaı-aq, atalmysh joba apta saıyn jalǵasyn tappaq.

Sýretter toptamasyn «FOTOGALEREIa» aıdarynan kóre alasyzdar!

Источник: Aidos