Áıel jamaǵaty arasynda «Paıǵambarǵa saǵynysh» atty baıqaý ótti (FOTO)

Búgin Elordadaǵy respýblıkalyq «Áziret Sultan» meshitinde Nur-Sultan qalasy Din máselelerin zertteý ortalyǵyndaǵy áıel jamaǵatyna arnalǵan «Paıǵambarǵa (s.ǵ.s.) saǵynysh» atty shyǵarmashylyq baıqaý bolyp ótti. «Áziret Sultan» meshitiniń «Inabat» qyz-kelinshekter klýbynyń uıymdastyrýymen ótken baıqaý barysynda qatysýshylar ózderine berilgen ýaqyt ishinde Alla Elshisine (s.ǵ.s.) degen saǵynyshy men súıispenshilikterin qaǵaz betine túsirip, dinı bilimderi men jazý sheberlikteri boıynsha synǵa tústi.

«Áziret Sultan» meshitiniń ustazy Dınara Nurǵalıeva qatysýshylarǵa búgingi sharanyń mańyzyn aıtyp, shyǵarmaǵa qoıylar basty talaptardy túsindirip berdi. Aldyn ala daıyndyqsyz kelgenimen, qatysýshylar óz oılaryn kórkem túrde jetkizip, saıysytyń kórigin qyzdyra tústi.

Baıqaý sońynda úzdik dep tanylǵan shyǵarmalarǵa júldeli oryndar berilip, arnaıy syılyqtarmen marapattaldy. Sondaı-aq, barsha qatysýshylarǵa da Bas meshit atynan syılyqtar tartý etildi.

Sýretterdi «FOTOGALEREIa» aıdarynan kóre alasyzdar!