Astanada Sırııa máselesine qatysty brıfıng ótti

Túrkııanyń Qazaqstandaǵy Tótenshe jáne ókiletti elshisi Nevzat Ýıanyk qazaqstandyq BAQ ókilderine arnalǵan brıfıng ótkizdi, dep habarlaıdy QazAqparat agenttigi.

Kezdesýde túrkııalyq dıplomat sırııalyq retteý boıynsha Astana protsesiniń 11-raýndynda talqylanýy tıis máselelerge toqtaldy. «Astanadaǵy kelissózder — taraptar arasynda kelisimge qol jetkizilgen atysty toqtatý rejimin kúsheıtýge, zorlyq-zombylyqty azaıtýǵa jáne ózge de máselelerdi qarastyratyn úlken múmkindik. Sonymen birge, Astanadaǵy kezdesýde senim sharalaryn nyǵaıtý, ony Sırııa jerinde qoldaný jáne Idlıbtegi deEslakatsııa aımaǵynyń sharttaryna qatysty naqty sheshimge kelý máseleleri kóteriledi dep úmittenemiz», — dedi Nevzat Ýıanyk elshilikte ótken brıfıngte.

Sonymen qatar6 elshi aldaǵy kezdesýde gýmanıtarlyq aspektidegi máseleler talqylanyp, naqty ýaǵdalastyqtar ornaýy tıis dep esepteıdi. «Túrkııa Qazaqstan dıplomatııasynyń negizgi basymdyqtarynyń biri bolyp sanalatyn medıatsııa ınstıtýtyn óz elinde damytýdy qarastyrýda. Iaǵnı, Qazaqstan tájirıbesin úlgi retinde qaraımyz jáne keńirek damytý qajet» dep sózin tolyqtyrdy Nevzat Ýıanyk.

Aıta keteıik, Sırııa qaqtyǵysyn retteýdegi Astana protsesiniń 11-raýndyn qarasha aıynyń sońynda nemese jeltoqsan aıynyń basynda ótkizý josparlanǵan.