ASTANA JÁNE MAŃǴYSTAÝ ÓKILDIKTERI TÁJIRIBE ALMASÝ JIYNYN ÓTKIZDI (FOTO)
Qazaqstan musylmandary dinı basqarmasynyń Astana qalasy ókildigi men Mańǵystaý oblysy ókildigi arasynda áriptestik baılanysty nyǵaıtý jáne tájirıbe almasý maqsatynda arnaıy jıyn ótti.
Kezdesý barysynda Astana qalasynyń jáne «Áziret Sultan» meshitiniń bas ımamy Erbolat Júsipov, Anýar Izimbaıuly bastaǵan Mańǵystaý óńiriniń din qyzmetkerlerine «Áziret Sultan» meshitiniń tynys-tirshiligin kórsetip, arnaıy ótken dóńgelek ústelde ókildiktiń jumystarymen tanystyrdy.
Sondaı-aq, dinı qyzmettiń tıimdiligin arttyrý, jamaǵatpen jumysty kúsheıtý, qaıyrymdylyq jáne rýhanı-aǵartý baǵytyndaǵy máseleler sóz boldy.
Kezdesý sońynda Astana qalasy ókildigi Mańǵystaý oblysy ókildigine ózara áriptestik pen yntymaqtastyqty nyǵaıtýǵa qosqan úlesi úshin arnaıy alǵys hat tabystady. Mańǵystaý oblysynyń bas ımamy Anýar Izimbaıuly da óz kezeginde Astana ókildigine óz rızashylyǵyn bildirip, ıgi bastamalar jalǵasyn tabýyna nıet bildirdi.
Sýretterdi tolyǵyraq «FOTOGALEREIa» aıdarynan kóre alasyz!
Источник: Aidos
