ASTANA QALASYNYŃ ÝAQYP QORY QYZDAR MEDRESESINIŃ STÝDENTTERINE ShÁKIRTAQY ÚLESTIRDI (FOTO)

QMDB Astana qalasy ókildiginiń Ýaqyp qory Astana medrese-kolledji janyndaǵy qyzdar medresesiniń stýdentterine aqshalaı syıaqy úlestirdi. 

Is-sharaǵa Astana qalasynyń jáne «Áziret Sultan» meshitiniń bas ımamy Erbolat Júsipov, Astana qalasy «Zeket jáne qaıyrymdylyq» qory jáne Ýaqyp qorynyń jaýapty ókili Nurbol Orazbaı jáne medrese shákirtteri qatysty.

Qala bas ımamy bilim jolyndaǵy shákirtterge ilim alýdyń mańyzy men artyqshylyqtary jaıly ýaǵyz-nasıhat jasap, úzdik 5 shákirtke 150 000 teńge kóleminde shákirtaqy sertıfıkatyn úlestirdi. Shákirtaqy ıegerleri óz rızashylyqtaryn bildirip, bolashaqta elge qyzmet etetin bilikti maman bolýǵa talpynatyndaryn jetkizdi. Is-shara sońynda qatysýshylar duǵa jasap, medrese ujymyna tabys tiledi.