ASTANA QALASYNYŃ ÓKILI ÁSKERI BÓLIM QYZMETKERLERINE ÝAǴYZ-NASIHAT AITTY (FOTO)
QMDB Astana qalasynyń ókili, «Áziret Sultan» meshitiniń bas ımamy Erbolat Júsipov Astana qalasy Din isteri basqarmasynyń qoldaýymen Dinderdi zertteý ortalyǵy uıymdastyrǵan Qazaqstan Respýblıkasy Ulttyq ulanynyń 5573 áskerı bólimindegi jıynǵa qatysty.
Sondaı-aq kezdesýge Maqsut Nárikbaev ýnıversıteti Islam jáne qazaq quqyǵy ortalyǵy dırektorynyń orynbasary Jalǵas Sádýaqasuly men Dinderdi zertteý ortalyǵynyń teology Arman Nurahmetuly qatysty. Destrýktıvti dinı ıdeologııaǵa qarsy ımmýnıtet qalyptastyrýǵa baǵyttalǵan aqparattyq túsindirý jumystarynda áskerı mamandarǵa spıkerler tarapynan qundy málimetter jetkizilip, el tynyshtyǵyn kúzetý men otan qorǵaýdyń asyl dinimizdegi orny týraly da ýaǵyz-nasıhat aıtyldy.
Bas-aıaǵy atalmysh jıynǵa 900-ge jýyq áskerı maman qatysty. Jıyn sońynda áskerı bólim basshylyǵy kelgen qonaqtarǵa óz alǵystaryn aıtyp, qyzmetterine sáttilik tiledi.
