ASTANA QALASYNYŃ BAS IMAMY TÚZEÝ MEKEMESINDE ÝAǴYZ-NASIHAT JASADY (FOTO)

Astana qalasynyń jáne «Áziret Sultan» meshitiniń bas ımamy Erbolat Júsipov bastaǵan elordalyq ımamdar QAJD №2 mekemesinde jazasyn ótep jatqandarmen kezdesti.

Basqosý barysynda din qyzmetkerleri jazasyn óteýshilermen suhbat quryp, asyl dinimizdiń negizgi qundylyqtaryn túsindirdi. Adaldyq pen qarapaıymdylyqtyń, tynyshtyq pen beıbitshiliktiń jaqtaýy bolǵan ata dinimiz ben salt-dástúrimizdiń qazynalaryn sóz ete otyryp, jazasyn óteýshilerge rýhanı jiger berdi. Sondaı-aq kórkem sabyr tilep, Allaǵa jaqsy duǵa-tilekter jasaýǵa shaqyrdy.

Kezdesýge jınalǵan jazasyn óteýshiler din qyzmetkerleriniń ár sózin baıyppen tyńdaı otyryp, ózderine mol rýhanı azyq alǵany sózsiz. Sebebi sottalǵan jandardyń aralarynan óz oılaryn jetkizip, ómirdiń qarapaıym qaǵıdalaryn jiti uǵynyp jatqandaryn, ımamdar nasıhatynyń ózderine úlken demeý bolyp jatqandyqtaryn da ashyp aıtty.

Kezdesý sońynda Erbolat Nuryldauly bastaǵan ımamdar jazasyn óteýshilerge ózderimen ala kelgen syılyqtaryn úlestirip, sottalǵandardyń  merzimi bitken soń din aman otbasylaryna oralýlaryn tiledi.

Источник: Aidos