ASTANA QALASYNDA JARAPAZAN AITÝ ESTAFETASY JALǴASYN TAPTY (FOTO)

Qazaqstan musylmandary dinı basqarmasynyń aıasynda jyl saıyn ótetin jarapazan aıtý Estafetasy bıyl da qyzý jalǵasyp, Astana qalasy ókildigi ıgi dástúrdiń kóshin Saryarqa tórinde jalǵady.

Astana qalasynyń ókili, «Áziret Sultan» meshitiniń bas ımamy Erbolat Júsipov bastaǵan ımam, ustazdar, óner juldyzdary, aq jaýlyqty ájeler men aqsaqaldar jurtshylyqty Ramazan aıymen quttyqtap, ózderiniń bata-tilekterin arnady. 

Naýryz merekesine oraı jınalǵan elorda jurtshylyǵyn Ramazan aıy jáne Ulystyń uly kúni merekesimen quttyqtap bata tilekterin arnady. Jamaǵat kóp shoǵyrlanǵan merekelik alańda jarapazan jyryn aıtyp, halyqty qasıetti aımen súıinshiledi.

Aıta ketsek, jarapazan «Já-Ramazan», ıaǵnı arapsha «Ramazan keldi» degen sózden shyqqan. Baıaǵy kezde jarapazan jyry búkil qazaq aýyly, qaýymy bop aıtylǵan bolsa, al qazirgi kezde ol qoldanystan qalyp bara jatqan ulttyq folklordyń biri. Elimizde Ramazan aıynyń qasıeti asqaqtap, aramyzda oraza ustaýshylar qatary jyldan jylǵa molaıýda ata-babamyzdyń búginge aýyz ádebıeti arqyly mura bop jetken Jarapazan jyry qaıtadan jańǵyryp, ol jańasha reńke ıe bolady degen úmittemiz ári ultymyzdyń kóne dástúrin jańǵyrta júrýge shaqyramyz.

Sýretterdi tolyǵyraq «FOTOGALEREIa» aıdarynan kóre alasyzdar!

Источник: Aidos