ASTANA QALASY JASTAR ISI SEKTORYNYŃ JYLDYQ JOSPARY TALQYLANDY (FOTO)
Astana qalasyndaǵy «Áziret Sultan» meshitinde Jastar isi sektorynyń jyldyq jumys josparyna arnalǵan arnaıy keńeıtilgen jıyn ótti. Basqosý barysynda 2025 jylǵa arnalǵan negizgi baǵyttar men júzege asyrylatyn jobalar talqylanyp, mańyzdy usynystar qarastyryldy.
Jıynǵa Astana qalasynyń bas ımamy Erbolat Júsipov, QMDB Jastar isi sektorynyń jetekshisi Baǵyjan Kúzekbaı, Astana qalasy Jastar isi sektorynyń jetekshisi Rahymjan Joldas, sondaı-aq elorda meshitterindegi Jastar isine jaýapty mamandar qatysty. Basqosýdyń negizgi maqsaty – jastardyń dinı jáne rýhanı damýyna yqpal etý, ulttyq jáne otbasylyq qundylyqtardy nasıhattaý, jas býynnyń sanaly ári saýatty tulǵa bolyp qalyptasýyna jaǵdaı jasaý.
Kezdesý barysynda QMDB Tóraǵasy, Bas múftı Naýryzbaı qajy Taǵanuly bekitken «Islam jáne otbasy qundylyǵy» jylynyń aıasynda iske asyrylatyn keshendi sharalar tanystyryldy. Sonymen qatar, jastar arasynda ımandylyqty, otansúıgishtik rýhty, dástúrli qundylyqtardy dáripteýge baǵyttalǵan arnaıy jobalardyń júzege asý barysy naqtylandy.
Jastar isi sektorynyń jetekshileri aldaǵy ýaqytta uıymdastyrylatyn is-sharalar men jobalardyń júıeli ári nátıjeli bolýyna basymdyq berý qajettigin atap ótti. Ásirese, meshit jastarynyń dinı bilimin arttyrý, áleýmettik jaýapkershilikke baýlý jáne qoǵamǵa paıdaly azamat retinde tárbıeleý baǵytynda aýqymdy jumystar atqarylatyny aıtyldy.
Kezdesý sońynda qatysýshylar ortaq usynystaryn bildirip, jastarǵa qatysty bastamalardy jetildirý joldaryn qarastyrdy. Jıyn nátıjesinde naqty is-qımyl jospary bekitilip, aldaǵy kezeńde júzege asyrylatyn jobalar pysyqtaldy. Bul jumystar jastardyń rýhanı ári mádenı damýyna oń yqpal etip, ulttyq qundylyqtardy dáripteýge jańa serpin bermek.
Источник: Aidos
