ASTANA ÓKILDIGI ZAǴIP JANDARǴA ARNALǴAN QURAN TARATTY (FOTO)

QMDB Astana qalasy ókildigi tamyz aıyn taǵy bir erekshe semınarmen bastady. «Múmkindigi shekteýli jandardy nasıhattaý múmkindikteri» taqyryby aıasynda ótken jıynǵa qala bas ımamy Erbolat Júsipov bastaǵan din qyzmetkerleri qatysyp, saýapty shara atqardy.

Saýapty deıtin sebebimiz, semınar aıasynda Astana ókildiginiń uıytqy bolýymen Elordadaǵy zaǵıp jandarǵa Braıl júıesimen (paraqty tesý arqyly) bastyrylǵan Quran kitaby tabystaldy.

Semınarǵa arnaıy shaqyrylǵan Zaǵıptar ortalyǵynyń dırektory, Quran sabaǵynyń ustazy Baqytjamal Káribaıqyzy shákirtteri atynan ókildik qyzmetkerlerine alǵys bildirip, eńbekterine jemis tiledi.

Aıta keteıik, zaǵıp jandarǵa arnalǵan bul Quran kitaby Serik Qanatuly esimdi marqum baýyrymyzdyń uıytqy bolýymen jaryq kórgen bolatyn. Semınar sońynda marqumnyń rýhyna Quran oqylyp, duǵa baǵyshtaldy.