ASTANA ÓKILDIGI 1200 OQÝShYNY MEKTEPKE ÁZIRLEDI (FOTO)
Búgin QMDB Astana qalasy ókildiginiń uıymdastyrýymen «Mektepke jol – 2023» qaıyrymdylyq jobasy aıasynda 1200 oqýshyǵa qýanysh syılaǵan shara ótti. «Áziret Sultan» meshitinde ótken qaıyrymdylyq sharasyna QMDB tóraǵasynyń orynbasary, naıb múftı Sansyzbaı Qurbanuly, «Zeket jáne qaıyrymdylyq» qorynyń dırektory Maqsatbek Qaıyrǵalıevter qatysyp, bilim jolyndaǵy búldirshinderge izgi tilekterin bildirdi.
Astana qalasynyń bas ımamy Erbolat Nuryldauly búgingi sharanyń mańyzdylyǵyn aıta kelip, qaladaǵy meshitter boıynsha taratylý tártibin de túsindire ketti. Aıta keteıik, qaıyrymdylyq aktsııasy aıasynda qaladaǵy muqtaj otbasylardaǵy oqýshylarǵa qajetti oqý quraldary jáne mektep sómkeleri jergilikti meshitterde taratylatyn bolady.
Shara sońynda naıb múftı Sansyzbaı Qurbanuly oqýshylarǵa aq batasyn berip, bilim jolyndaǵy izdenisterine bereke tiledi.
