ASTANA IMAMDARYNA ÝAǴYZ AITÝDYŃ ÁDEBI MEN MÁDENIETI TÚSINDIRILDI (FOTO)
Astana qalasynyń ımamdaryna ýaǵyz aıtýdyń ádebi men mádenıeti jaıly semınar ótti.
Jıynda «Áziret Sultan» meshitiniń naıb ımamy Temirlan Darhanuly «Ýaǵyz aıtýdyń ádebi men mádenıeti» tuǵyrnamasyn tanystyra otyryp, jamaǵatqa din nasıhatyn jasaýda qajetti jaǵdaıattardy túsindirip ótti.
Ýaǵyz aıtý – adamdarǵa dindi jetkizýdiń bir joly. Ýaǵyzdy kópshilikke jetkizý úshin ımamnyń aıtatyn nasıhaty jan-jaqty, taqyryptan aýytqymaı ári tereń mazmundy ári sheshendik ónermen túsinikti etip aıtylýy kerek. Ýaǵyz aıtý úlgisin joǵary dárejede oryndaý – musylman úmbetiniń saýattylyǵyn arttyrýǵa, jan-jaqty tulǵa, ári otanshyl azamat bolyp qalyptasýyna, dinaralyq birlik pen tatýlyqqa yqpal etý arqyly memleket irgesiniń bútindigine qyzmet etýge úles qosady.
Aıta keteıik, Astana qalasynda ótken I respýblıkalyq ýaǵyzshylar forýmynda arnaıy qujat qabyldanǵan bolatyn. Tuǵyrnamada halyq arasynda ýaǵyz aıtyp, jamaǵatqa adal men aramdy túsindirip júretin ımamdarǵa qajetti ereje-qaǵıdalar qamtylǵan.
