ASTANA IMAMDARYNA TÓTENShE JAǴDAIDYŃ ALDYN ALÝǴA QATYSTY SEMINAR ÓTTI (FOTO)

Búgin Respýblıkalyq «Áziret Sultan» meshitinde «Islam jáne izgi  qoǵam:  «Adam ómirin qorǵaý – basty muratymyz!» atty Astana ımamdarynyń biliktiligin arttyrýǵa arnalǵan semınar bolyp ótti.

Shara bastalmas buryn Astana qalasynyń Bas ımamy Erbolat Júsipov sóz alyp, álemde bolyp jatqan apattyq jaǵdaılar kez kelgen jerde, kez kelgen adamnyń basyna tónýi múmkin ekenin eskerte otyryp,  kez kelgen jaǵdaıǵa daıyn bolýymyz kerektigin aıtty. Semınarda Tótenshe jaǵdaılar mınıstrliginiń (TJM) tehnogendi sıpattaǵy tótenshe jaǵdaılardyń aldyn alý basqarmasynyń basshysy, azamattyq qorǵaý podpolkovnıgi Esmaǵanbetov Rollan, TJM Órtke qarsy qyzmet komıtetiniń bas mamany, Azamattyq qorǵaý kapıtany Aspandııar Nurlanuly,  Sáken Seıfýllın atyndaǵy Qazaq Agrotehnıkalyq ýnıversıteti azamattyq qorǵanys jáne tótenshe jaǵdaılar shtabynyń basshysy Aldabergenov Aıan Bolatuly, sondaı-aq, «Apattar medıtsına» ortalyǵynyń Astana qalasyndaǵy fılıalynda shuǵyl medıtsınalyq kómek kórsetý bóliminiń dárigeri Mahanova Gýldana sóz sóılep bilim-tájirıbelerimen bólisti. Arnaıy daıyndalǵan qonaqtar tótenshe jaǵdaılar bola qalǵan jaǵdaıda qandaı is-áreket jasaý kerek ekenin aıtyp qana qoımaı, oqý-jattyǵý jumystaryn kórsetip, kishigirim master-klass ótkizdi.

Semınarǵa qatysýshylarǵa álemde oryn alǵan úlken jer silkinisteri jaıly, Zilzalanyń paıda bolý sebepteri, sondaı-aq, «Zilzala» súresiniń túsindirmesi aıshyqtalǵan arnaıy  beınerolıkter kórsetildi.

Semınardyń uıytqysy bolǵan «Kóktal» meshitiniń bas ımamy Otarov Ilıas qaýipsizdikke qatysty erejeler jınaqtalǵan arnaıy kitapshalar daıyndap,  qatysýshylarǵa usyndy.

Jıyn sońynda kelgen qonaqtarǵa qasıetti Quran kitaby syılandy.  

Источник: Aidos