ASTANA IMAMDARY ÓZARA TÁJIRIBE ALMASÝDA (FOTO)

Elordadadaǵy «Áziret Sultan» meshitiniń din qyzmetkerleri Astana meshitterine baryp iskerlik tájirıbe almasý sharalaryn júrgizýde. Astanadaǵy ortalyq meshittiń naıb ımamdary Jumanazar Sadyrhanov, Tamırlan Darhanuly, Ádilhan Serikbaı, Zakır Sanhý, Ilııas Otarov qaladaǵy «Ás-Sálám», «Ál-Ǵanı», «Tólebaı», «Kýnta qajy» jáne «Ár-Rahman» meshitterine baryp bir kún boıy jamaǵatpen birge boldy. Bes ýaqyt namazyn ótkizip, ýaǵyz-nasıhat júrgizdi, jamaǵatqa dárister ótkizip, meshit qyzmetkerlerimen keńesti. Sondaı-aq, ár meshitke «Muftiyat» baspasynan shyqqan sońǵy kitaptar men QMDB májilisterinde qabyldanǵan mańyzdy qujattar tabystaldy.

Qazaqstan musylmandary dinı basqarmasynyń keńeıtilgen Tóralqa májilisinde Bas múftı Naýryzbaı qajy Taǵanuly: «Bizdiń halyq aldyndaǵy basty mindetimiz – jurtymyzdy jaqsylyqqa úndep, jamandyqtan tosý, izgi qoǵam qurýǵa qadam jasaý. Osy jyl aıasynda qoǵam ıgiligine arnalǵan birqatar is-sharalardy atqarý mindeti tur. Biz úshin qoǵamnyń turaqtylyǵy men qaýipsizdigi mańyzdy. Sondyqtan din qyzmetkerleri musylman qaýymynyń birligin nyǵaıtyp, berekeli, izgi qoǵam ornatýǵa yqpal etýi tıis» deı otyryp, ımamdardyń biliktiligin arttyrýǵa mańyz berý kerek ekenin aıtqan bolatyn. Astana qalasynyń bas ımamy Erbolat Nuryldauly atalǵan máseleni qoldap, Astana ımamdaryna tapsyrma bergen bolatyn.

Meshitaralyq tájirıbealmasý turaqty túrde júrip,  ári qaraı da jalǵasyn taba bermek.

Источник: Aidos