«ÁS-SÁLAM» MEShITINDE «ATALAR MEKTEBINIŃ» JIYNY ÓTTI (FOTO)

«Atalar mektebi» klýby aıasynda «Ás-Sálam» meshitinde ıgi shara uıymdastyryldy. Meshittiń bas ımamy Dastan Zııashulynyń bastamasymen ótken jıynǵa el ishindegi syıly aqsaqaldar men jastar qatysty. Bul otyrys rýhanı tálim men ulttyq tárbıege negizdelgen taǵylymdy júzdesý boldy.

Jıyn barysynda ımam Dastan Zııashuly din men dástúr sabaqtastyǵynyń mańyzdylyǵyna toqtalyp, ata-babadan kele jatqan ulttyq qundylyqtardy jastardyń boıyna sińirý qajettigin aıtty. Atap aıtqanda, jastarǵa mal soıý, soıylǵan etti múshelep, tabaq jasap tartý sekildi jón-joralǵylardy úıretý máseleleri talqylandy. Sonymen qatar, teri ıleý, qamshy órý, noqta men júgen jasaý sııaqty kóne qolóner túrleri jaıly áńgime qozǵalyp, bul isterdiń de bolashaq urpaqqa berilýi qajettigi sóz boldy.

Jıynǵa qatysqan meshittiń alqa múshesi, jamaǵattyń qurmetti aqsaqaly Qaıyrbek Shámshiuly jastarǵa aqyl-keńes aıtyp, tárbıelik máni zor nasıhat aıtty. 

Aqsaqaldardyń árbir sózi jastar úshin ónege, tálim men tárbıege toly ekeni sózsiz. «Atalar mektebi» syndy jobalar — jastardy ulttyq bolmyspen sýsyndatyp, eldiń erteńi bolar azamattardy tárbıeleýge baǵyttalǵan mańyzdy bastamalar ekeni sózsiz.

Источник: Aidos