«Armanymdaǵy Ramazan»: qasıetti aıǵa daıyndyq maqsatynda rýhanı kesh ótti (FOTO)

QMDB Nur-Sultan qalasy ókildigi Áziret Sultan meshitiniń «Inabat» qyz-kelinshekter klýbynyń uıytqy bolýymen «Armanymdaǵy Ramazan» atty rýhanı kesh bolyp ótti. Qasıetti aıdyń mańyzdylyǵyn uǵyndyrýǵa arnalǵan keshke 100-ge jýyq qonaq qatysyp, rýhanı taǵylym alyp qaıtty.

Rýhanı kesh dastarhanyna Elorda meshitteriniń ustazdar qaýymy shaqyrylyp, ýaǵyz-nasıhat aıtyldy. Ramazan aıyn paıdaly ótkizýge sharıǵı keńester berildi.

Qasıetti Quran aıattarymen bastalǵan berekeli kesh barysynda meshit shákirtteri arnaıy sahnalyq kórinister qoıypǵ kórermenniń kóńilin bosatyp, kózine jas uıalatty. Sondaı-aq, qonaqtar arasynda vıktorınalyq oıyndar oınatylyp, jeńimpazdarǵa estelik syılyqtar tartý etildi. QMDB Áıel-qyzdar sektorynyń jetekshisi Dınara Qutqojaqyzy sóz sóılep, búgingi keshtiń mańyzdylyǵyn atap ótti.