«ÁR-RAHMAN»: RAMAZANNYŃ QURMETINE ORAI QAIYRYMDYLYQ IS-ShARASY ÓTTI (FOTO)

Qazaqstan musylmandary dinı basqarmasy Astana qalasy ókildigi «Zeket jáne qaıyrymdylyq» qorynyń uıymdastyrýymen qasıetti Ramazan aıynda «Ár-Rahman» meshitinde muqtaj jandarǵa qaıyrymdylyq is-sharasy ótti.

Is-sharaǵa QMDB «Zeket jáne qaıyrymdylyq» qorynyń Astana qalasy boıynsha ókili Nurbol Orazbaı jáne «Ár-Rahman» meshitiniń ımamy Jandos Atembaev qatysty.

Elordalyq az qamtylǵan otbasylarǵa 1 aıǵa jetetin azyq-túlik qorjyndary úlestirilip, din qyzmetkerleri rýhanı demeý kórsetti. Kómek alýshy turǵyndar da jaqsy tilekterin aıtyp, jalǵasyn taýyp kele jatqan saýapty iske alǵysyn bildirdi.

Ramazan – qaıyrymdylyq aıy. Osy oraıda aıta ketsek, Bas múftı Naýryzbaı qajy Taǵanulynyń bastamasymen qazirgi ýaqytta respýblıka meshitterinde «Ramazan qorjyny» qaıyrymdylyq marafony júzege asyp jatyr. 

QMDB tóraǵasy óz sózinde: «San ǵasyrdan beri Islam dinin ustanyp kele jatqan halqymyz Ramazan aıyn erekshe daıyndyqpen qarsy alǵan. Aǵaıynnyń basyn qosyp, aýyzashar berý, jarapazan aıtyp, úlkenniń batasyn alý, qınalǵan jandarǵa qol ushyn berip, alǵysyna bólený – halqymyzdyń san jyldardan beri oryndap kele jatqan ıgi amaldarynyń biri. Bul dástúr meshitterimizde de joǵary deńgeıde jalǵasyp keledi.

Ramazan aıynda qaıyrymdylyq jasap, muqtaj jandarǵa kómektesý – úlken saýapty is. Paıǵambarymyz Muhammed (oǵan Allanyń salaýaty men sálemi bolsyn): «Kimde-kim baýyrynyń qajetin ótese, Alla onyń qajetinde bolady...» – degen bolatyn.

 Sýretterdi tolyǵyraq «FOTOGALEREIa» aıdarynan kóre alasyzdar!