Aqtóbede 3 meshittiń qurylysy bastaldy (FOTO)

QMDB-nyń Aqtóbe oblysy boıynsha ókil ımamy Tólebı qajy Ospan oblysta salynyp jatqan 3 meshittiń qurylys alańynda bolyp, jumys barysymen tanysty.

Esterińizge sala keteıik, sáýirdiń sońǵy senbisinde T.Dádiluly bastaǵan din qyzmetkerleriniń qatysýymen Aqtóbe qalasynyń «Aqjar-2» turǵyn úı alabynan jańa qurylystyń irgetasy qalanyp, 700 oryndyq meshit salý isi qolǵa alynǵan edi.

Al, qasıetti ramazan qarsańynda ıgilikti is jalǵasyn taýyp, 4 mamyrda qalamen irgeles Baýyrlastar eldimekeninde 300 adamǵa arnalǵan ǵıbadathana qurylysy bastaldy. Jańa meshit qurylysyn jergilikti jurtshylyq bolyp jınalyp, turǵyzýǵa nıettenip otyr.

Meshit ishinde namazhanadan bólek, Quran oqytatyn, neke qııatyn bólmeler men synyptar jáne aýlasynda ımam úıi, t.b. bolýyn qamtamasyz etýdi josparlap otyr.