«AQMEShITTIŃ» AÝLASYNA AǴASh KÓShETTERI OTYRǴYZYLDY (FOTO)

Astana qalasyndaǵy «Aqmeshit» meshitiniń aýlasynda tazalyq jumystary atqarylyp, qulshylyq úıiniń mańaıyna 100-ge jýyq aǵash kóshetteri otyrǵyzyldy.

Bas ımam Dáýren Músilimovtyń basshylyǵymen ótken senbilik jumystaryna meshit ımamdary men belsendi jamaǵat atsalysty.   

Tal egip, tabıǵatty aıalaý, meshit aýlasyn taza ustaý árbir musylmannyń paryzy. Ardaqty Paıǵambarymyzdyń (oǵan Allanyń salaýaty men sálemi bolsyn)  kózin kórgen Ábý Dárda (qartaıǵan shaǵynda) Da­mask qalasynda jemis kóshetin otyrǵyzyp jat­sa, ony bir kisi kórip: «(Qartaıyp qaldyńyz ǵoı). Muny ne úshin istep jatsyz?» – dep surapty. Sonda Ábý Dárda oǵan: «Asyqpa, sabyr et! Bizden buryn kelgender kóshetter otyrǵyzdy, biz ony paıdalandyq, jemisin jedik. Endigi, egý, ósirý kezegi – bizdiki. Ony kelesi urpaq paıdalanady jáne jemisin jeıdi. Men Paı­ǵambary­myzdyń (Allanyń oǵan salaýaty men sálemi bolsyn): «Qandaı da bir musylman aǵash otyrǵyzsa nemese egin ekse, ol egistikten adamdar, janýarlar men jándikter, qustar jese, ol adam úshin sadaqa bolyp esepteledi» degenin estigem», – dep jaýap berdi.