«AQ MESHIT»: JAMAǴATPEN JYLDY QORYTYNDYLAÝ ShARASY ÓTTI (FOTO)

«Aq meshit» meshitinde jyldaǵy dástúr boıynsha «Yntymaǵy jarasqan jamaǵat» atty jyldy qorytyndylaý sharasy ótti.

Aıta ketsek, Astana meshitteri qaıyrymdylyq, rýhanı qundylyqtardy nasıhattaý, dinı saýat ashý, ýaǵyz-nasıhat, jastarmen jumys baǵyttarynda kóptegen sharalar atqaryp keledi. «Aq meshit» meshiti de sonyń bir parasy.

Jıynda qulshylyq úıiniń bas ımamy Dáýren Múslımov jamaǵatqa meshit ákimshiligi atynan alǵysyn bildirip, ártúrli is-sharalarǵa belsendi atsalysqan jandarǵa alǵys hat tabystady.

Onan soń jamaǵatqa arnaıy daıyndalǵan prezentatsııa arqyly bir jyl ishinde atqarylǵan jumystyń barysy tanystyryldy jáne de meshit ustazy Mahmud Qasym aq dastarhan basynda aýyzbirshilik pen yntymaq jaıly jamaǵatqa ýaǵyz aıtty.

«Aýyzbirshilikte – Allanyń meıirimi, bólinýde – qahary bar», «Musylman musylman úshin bir-birin bekem ustap turǵan ǵımarat tárizdi», - dep hadısterde aıtylǵandaı jamaǵattyń aýyzbirshiligi men yntymaǵynyń arqasynda elorda meshitteri kóptegen ıgi isterge muryndyq bolyp keledi.

Источник: Aidos