«AQ MESHIT» MEShITINIŃ IMAMY LÝDOMANIIaNYŃ ALDYN ALÝ SEMINARYNA QATYSTY (FOTO)

QMDB Astana qalasy ókildigine qarasty «AQ MESHIT» meshitiniń naıb ımamy Ońǵar Haırıdınov QR UQQ Shekara qyzmeti, Áskerı patrıottyq qyzmet basqarmasynyń sarbazdaryna saqtandyrý baǵyty boıynsha semınar ótkizdi. 

Jıynda lýdomanııanyń zardaptary týraly aıta kele dene múshemiz Allanyń bizge bergen amanaty ekenin tilge tıek etip, bizder úshin berilgen árbir nyǵmetti baǵalaýǵa shaqyrdy. Sonymen birge semınar barysynda ýaqytty, densaýlyqty tıimdi qoldaný jaıynda qundy keńesterimen bólisti. 

«Hadısterde aıtylǵanyndaı «Eki nyǵmet bar, kópshilik adam sol eki nyǵmettiń qadirin bilmeıdi: biri – densaýlyq, ekinshisi – bos ýaqyt». Qumar oıyny – bul qoǵam qasireti, Islam dininde haram isterge jatatyn áreket. Ardaqty Paıǵambarymyzdyń (oǵan Allanyń salaýaty men sálemi bolsyn): «Kim óz dosyna: «Júr, qumar oıyn oınaıyq» dese, sadaqa bersin», – deýi ony oınamaq túgili, oǵan úgitteýdiń ózi kúná ekenin, sonyń ózin jýyp-shaıý úshin sadaqa berý, jaqsylyq isteý mindetti ekenin eskertken», - dep atap ótti.

Jıyn sońynda Ońǵar Haırıdınov el amandyǵy men jurt tynyshtyǵy úshin kópshilikpen duǵa jasap, elimizdiń árbir azamaty rýhanı dertterden aman bolýyn tiledi.