«Áljan» ana meshiti 7 otbasyǵa azyq-túlik sómkesin taratty

Elimizde jarııalanǵan karantındik shekteýlerge baılanysty «qyzyl aımaqta» ornalasqan birneshe qalalarda qulshylyq ordalarynyń qyzmeti toqtatylyp, meshitter jabylǵan bolatyn. Qazirgi ýaqytta Nur-Sultan qalasy meshitterinde jamaǵatpen birge bes ýaqyt jáne juma namazy oqylyp jatqan joq.

Degenmen, juma kúniniń qurmetine oraı Elordadaǵy «Áljan» meshiti qaıyrymdylyq sharasyn jandandyryp, qulshylyq ordasy ornalasqan eldimekendegi muqtaj otbasylarǵa azyq-túlik sómkelerin úlestirdi. Atap aıtqanda, meshit mańynda turatyn turmysy tómen 7 otbasyǵa azyq-túlik sómkeleri tabystaldy.