ALASh ZIIaLYLARYNYŃ RÝHYNA QURAN HATYM BAǴYShTALDY (FOTO)

«Aq meshit» meshitiniń bas ımamy Dáýren Múslımovtiń basshylyǵymen azat el bolý jolynda eren eńbek sińirip, jankeshtilikpen ótken Alash zııalylarynyń rýhyna Quran hatym duǵasy jasaldy.

Sondaı-aq sharaǵa «Aq meshit» meshitiniń ustazy Mahmut Qasym jáne qulshylyq úıiniń shákirtter qaýymy qatysty. Qasıetti Quran aıattary oqylyp, jamaǵatpen duǵa jasaldy. El táýelsizdigi bekem bolyp, keler urpaqtyń da beıbit elde ǵumyr keshýin tiledi.

Dúnıeden ótken marqumdar úshin duǵa jasap, olarǵa Allanyń raqymy men keshirimin tileý artynda qalǵan tirilerge mindet bolyp sanalady. Ardaqty Paıǵambarymyz (ﷺ) bul másele jaıynda bylaı degen: «Ólgen kisilerińizdi jaqsylyqpen eske alyńdar» (Tırmızı, Jánaız 34).

Источник: Aidos