Alash orda astanasy – Semeı qalasynda Alash arystaryna Quran baǵyshtalyp, duǵa jasaldy (FOTO)

31 mamyr – Saıası qýǵyn-súrgin jáne  asharshylyq qurbandaryn eske alý  kúnine oraı Semeı qalasyndaǵy  tarıhı Tynybaı meshitinde Quran-qatym túsirildi.

Tynybaı meshitinde quran hatym túsirilýiniń óziniń tarıhı ǵıbraty bar. Óıtkeni alash zııalylarynyń, onyń aldyndaǵy Qunanbaı qajy, Abaı hákim Alash zııalylarynyń aqsaqaly Shákárim qajy, Álıhan Bókeıhan, Ahmet Baıtursyn, Shoqan Ýalıhan jáne de basqada ult zııalylarynyń mańdaılary sájdege tıgen, kıeli rýhanı ordasyna aınalǵan edi.

– Bizdiń basty maqsatymyz ótken tarıhty tarazylap, el bolashaǵy úshin qurban bolǵan Alash arystarynyń esimin ardaqtaý, – deıdi Semeı óńiriniń bas ımamy Asqar Muqanov.

Quran-qatymǵa arnaıy qatysqan belgili abaıtanýshy Asan Omarov ótken ǵasyrdyń 30-ynshy  jyldaryndaǵy qýǵyn-súrgin men náýbattyń tarıhyna keńinen toqtalyp:

– Bul kún – qazaq halqy úshin qasiretti kún. 2 mıllıonǵa jýyq adam asharshylyqtyń qurbany bolyp, qazaqtyń demografııalyq damýy orasan zor  toqyraýǵa ushyrady. Qanshama arystarymyz solaqaı saıasattyń qurbany boldy. Semeı ımamdarynyń belgili tulǵalarymyzdyń izi qalǵan  shejireli meshitte quran qatym túsirýiniń  ózinde úlken tarıhı  mán bar,  – dedi belgili ǵalym.