«ÁL-ǴANI»: JASTAR ISI SEKTORY QALA TURǴYNDARYNA «RAMAZAN QORJYNYN» ÚLESTIRDI (FOTO)

QMDB-nyń Astana qalasy ókildigine qarasty «Ál-Ǵanı» meshitiniń Jastar isi sektoryna jaýapty Nursultan Amanjolulynyń uıymdastyrýymen 75 dana «Ramazan qorjyny» taratyldy. Qaıyrymdylyq sharasy qasıetti Ramazan aıynyń qurmetine uıymdastyrylyp, halyqqa qoldaý kórsetý maqsatynda júzege asyryldy.

Ramazan qorjynynda sý, qurma jáne tiske basar (býrger) boldy. Qorjyndar kólik keptelisinde qalyp, úılerine jete almaı turǵan júrgizýshilerge úlestirildi. Bul ıgi iske meshit jastary qatarynan quralǵan eriktiler belsene atsalysty.

Is-sharanyń basty maqsaty – meshit jastarynyń halyqqa qyzmet etýge qushtarlyǵyn kórsetý, qoǵamda meıirimdilik pen janashyrlyqty arttyrý. Osyndaı ıgi iske qoldaý bildirgen barsha azamattarǵa Alla razy bolsyn!

Источник: Aidos