«ÁL-ǴANI» MEShITINDE BEIIMBET MAILINNIŃ 130 JYLDYǴYNA ORAI JIYN ÓTTI (FOTO)

QMDB Astana qalasy ókildigine qarasty «Ál-Ǵanı» meshitinde «Ihsan jáne nasıhat» baǵyty boıynsha qazaqtyń asyl azamaty, klassık jazýshysy  – Beıimbet Maılınniń 130 jyldyǵyna oraı arnaıy as berilip, rýhyna duǵa baǵyshtaldy.

Shara barysynda meshittiń naıb ımamy, RANT múshesi Ǵazız Ahmet Beıimbet Maılın atamyzdyń ómirbaıany, onyń el úshin jasaǵan eren eńbekteri men jankeshtiligi jaıly keńinen dáris oqydy. Sol kezdegi jalǵan jalanyń jalyny tek atamyzdy ǵana emes, onyń jary Gúljamal apamyzdy da balalaryn da sharpyp ótkenin tilge tıek etti. 

Jıyn sońynda sheıit ketken baba rýhyna Quran Kárim aıattary oqylyp, duǵalar baǵyshtaldy.

Stalındik repressııanyń qurbandary bolǵan alyptar búginde qaıta tirilgendeı. Jendetter Alash zııalylaryn óz zamanynda «halyq jaýy» dep qýǵynǵa ushyratyp, urpaǵymen jer betinen joq qyla jazdasa da, halyq sanasynan joǵalta almady. Biz – olardyń urpaǵymyz. Tulǵalar salyp ketken sara jol – bizge amanat.