«ÁL-FARABI» MEShITINDE ÁIEL JAMAǴATYNA ARNALǴAN MÁÝLIT JIYNY ÓTTI (FOTO)

Qazaqstan musylmandary dinı basqarmasy Astana qalasy ókildigine qarasty «Ábý Nasyr ál-Farabı» meshitinde áıel jamaǵatyna arnalǵan máýlit jıyny ótti.

Sharaǵa arnaıy spıker retinde shaqyrylǵan  «Kóktal» meshitiniń ustazy Mýhlısa Saıdýllaqyzy jamaǵatqa «Paıǵambar ǵumyry - úmmetke ǵıbrat» taqyrybynda ýaǵyz-nasıhat aıtyp, Máýlit aıynyń qadir-qasıetin túsindirdi.

Jıyn sońynda vıktorınalyq suraqtar qoıylyp, Qazaqstan musylmandary dinı basqarmasynyń «Muftyat» baspasynan shyqqan kitaptar syılyqqa taratyldy.  

Aıta ketsek, qazir Islam jyl sanaýy boıynsha Rabıǵýl áýýál, ıaǵnı qasıetti Máýlit aıy. Paıǵambarlardyń ardaqtysy Muhammed Paıǵambardyń (oǵan Allanyń salaýaty men sálemi bolsyn) týǵan ýaqytyna baılanysty atap ótiletin kún máýlit dep atalady. Adamzattyń asyl táji, tektilerdiń tóresi, asyldardyń asyly, izgilerdiń izgisi, degdarlardyń dúri, Paıǵambarlardyń ımamy, eki dúnıeniń bekzaty  Muhammedke (oǵan Allanyń salaýaty men sálemi bolsyn) Jaratqan Iemizdiń jaratqan nárseleriniń sanyndaı, Arshysynyń salmaǵyndaı, Ózi razy bolǵandaı sansyz salaýaty men sálemi bolsyn!

Источник: Aidos