«ÁL-FARABI» MEShITI 25 OTBASYǴA «RAMAZAN SYILYǴYN» TARTÝ ETTI (FOTO)

Astana qalasy ókildigi Jastar isi sektorynyń «Ál-Farabı» meshitindegi jaýapty mamany Altynbekov Amanjoldyń uıymdastyrýymen qaıyrymdylyq sharasy ótti.

Qol ushyn suraǵan árbir adamǵa kómek kórsetý, jaqsylyq isteý – Ramazan aıynda saýaby eselenetin kórkem isterden. Allanyń meıirimi men shapaǵaty mol aıda qaıyrymdylyq jasaýda jarysyp, jaqsylyqtyń saýabyna kenelýdi qalaǵan «Ál-Farabı» meshitiniń «Jastar isi» bólimi kezekti qaıyrymdylyq sharaǵa atsalysty.

Alla Taǵalanyń Quranda aıtylǵan «Qaıyrdan ne isteseńder de, kúdiksiz Alla ony biledi» («Baqara» súresi, 215-aıat) degen ósıetine amal etken meshit ujymy áleýmettik az qamtylǵan muqtaj 25 otbasyǵa qajetti azyq-túlik sebetteri úlestirdi. Kómek alýshy kisiler meshit qyzmetkerlerine óz rızashylyqtaryn bildirip, izgi nıet-tilekterin jaýdyrdy.

Источник: Aidos