«ÁL-FARABI»: «IMANI JAZ-2024» KÝRSYNA 180 OQÝShY QABYLDANDY (FOTO)
Oqýshylardyń jaǵy demalysyna oraı QMDB bastamasy negizinde jyl saıyn elimizdegi meshitterde «Imanı jaz» jazǵy saýat ashý kýrsy uıymdastyrylyp keledi.
Jyldaǵy úrdis boıynsha «Ábý Nasyr ál-Farabı» meshitindegi «Imanı jaz-2024» jazǵy saýat ashý kýrsy óz jumysyn bastady. Jazǵy kýrstyń alǵashqy kúni meshittiń bas ımamy Nurlan Ramazanov ata-analar men oqýshylarǵa jazǵy demalysty paıdaly ótkizýlerin tilep, saýat ashý kýrsynyń mańyzdylyǵyna toqtalyp ótti.
10 maýsym men 30 maýsym aralyǵyn qamtıtyn jazǵy saýat ashý kýrsyna 10-15 jastaǵy 180 oqýshy qabyldandy. Balalar er jáne qyz bolyp jas erekeshelikterine qaraı jeke toptarǵa bólindi. Saýat ashý kýrsyndaǵy búldirshinderge meshittiń bilikti ustazdarymen qatar «Astana» medresesiniń shákirtteri dáris júrgizetin bolady. Saýat ashý kýrsy tańǵy saǵat 10:00-12:00 aralyǵynda bir aýysym negizinde ótedi.
Kýrs aıasynda oqýshylarǵa «Imandylyq álippesi», «Quran álippesi» jáne «Tárbıe dáristeri» kitapshalary berilip, aldaǵy ýaqytta osy sabaqtar negizinde bilim alatyn bolady. Meshit ımamdary men ustazdary tárbıe sabaqtaryna ózderi qatysyp, balalarǵa Alla Taǵalany taný, ata-anaǵa qurmet kórsetý, durys tamaqtaný ádepteri sekildi paıdaly ári mańyzdy dáristerdi júrgizedi. Balalardyń ımanı sabaqtarǵa degen qyzyǵýshylyqtaryn arttyrý maqsatynda ár búldirshinge kúndelikti táttiler men sýsyndar úlestiriledi.
