«ÁL-FARABI»: 250 ADAMǴA NAÝRYZ KÓJE MEN YSTYQ BAÝYRSAQ ÚLESTIRDI (FOTO)

«Ábý Nasyr ál-Farabı» meshiti jyly shyraıly kóktemniń habarshysy bolǵan, tamyry ejelgi dáýirlerden bastaý alǵan Naýryz meıramyn jamaǵatpen birge atap ótti.

Qasıetti Ramazan aıymen tuspa-tus kelgen ulttyq meıramda meshit janynan qurylǵan «Jibek» qyz-kelinshekter klýbynyń shákirtteri jamaǵatqa arnap mereke ári saýapty is uıymdastyrdy.

Naýryz meıramynyń qurmetine oraı uıymdastyrylǵan izgi sharada meshit shákirtteri 250-ge jýyq jamaǵatqa dámdi naýryz kóje men ystyq baýyrsaq úlestirdi.  Odan ári Naýryz meıramynyń qundylyǵyn nasıhattaý maqsatynda aýyzasharǵa jıylǵan jamaǵatqa dástúrli ónerdiń ókilderi ásem ánnen, kúmbirlegen kúımen merekelik kóńil-kúı syılady. Din men dástúrdi ushtastyra bilgen meshit ujymyna jáne shákirtterge jamaǵat zor alǵystaryn bildirdi.