«Al-Azhar» ýnıversıtetinde Abaı ortalyǵy men «qazaq tili» mamandyǵy ashylady

Qazaqstannyń syrtqy ister mınıstrliginiń baspasóz qyzmetiniń habarlaýynsha, Mysyrdaǵy tanymal «Al-Azhar» ýnıversıtetinde Abaı Qunanbaev ortalyǵy men «qazaq tili» mamandyǵy ashylady.
«Elshi (Qazaqstannyń Mysyrdaǵy elshisi Arman Isaǵalıev) «Al-Azhar» ýnıversıtetinde Abaı ortalyǵyn ashýdy jáne oqytý baǵdarlamasyna «qazaq tili» mamandyǵyn engizýdi usyndy. Rektor Mýhammed al-Mahrasaýı bul bastamany oń qabyldady jáne óz tarapynan onyń júzege asýyna qoldaý kórsetetinin jetkizdi», – dep habarlady seısenbide QR SIM Isaǵalıevtiń al-Mahrasaýımen kezdesý qorytyndysy boıynsha.
Habarda atap ótilgendeı, bul baǵyttaǵy jumys Abaı atyndaǵy Qazaq ulttyq pedagogıkalyq ýnıversıtetimen birge júrgiziletin bolady.
Eske salsaq, qazaqstandyqtar 2020 jyly memlekettik deńgeıde aqyn, fılosof jáne aǵartýshy Abaı Qunanbaıulynyń týǵanyna 175 jyldyǵyn atap ótýge daıyndalýda.

Eskertpe: «Al-Azhar» ýnıversıteti álemdegi eń baıyrǵy jáne eń bedeldi ıslam JOO bolyp tabylady.