«ABAI. ALASh. ASYL DIN» BAIQAÝY JARIIaLANDY

Qazaq jazba ádebıetiniń negizin qalaýshy, uly aqyn, ǵulama-oıshyl Abaı Qunanbaıulynyń 180, Alash qozǵalysynyń 120 jyldyǵy jáne Qazaqstan musylmandary dinı basqarmasynyń 35 jyldyq mereıtoıyna oraı respýblıkalyq «Iman» jýrnaly men «Munara» gazeti oqyrmandar arasynda «Abaı. Alash. Asyl din» taqyrybynda shyǵarmashylyq baıqaý jarııalaıdy.

Baıqaýdyń maqsaty:

* Abaıdyń asyl sózi men mol murasyn, sondaı-aq Alash qaıratkerleriniń sara joly men eren eńbegin gazet-jýrnal oqyrmandaryna dáripteý.

* Qazaqstan musylmandary dinı basqarmasynyń 35 jyldyq belesi qarsańynda atqarylǵan baıandy bastamalar men osy kezeńde elimizdegi Islam dininiń damýyna úles qosqan ardager ımam-ustazdardyń ónegeli isin oqyrmandarǵa nasıhattaý.

Baıqaýdyń mindeti:

* Oqyrmandardy Abaıdyń óleńderinen nár alyp, qarasózderinen ǵıbrat túıýge, sondaı-aq Abaı shyǵarmashylyǵynda aıtylǵan din men dúnıetanym, rýh pen minez, turmys pen tirshilik, bolmys pen bitim, til men dil taqyryptaryn tarazylaýǵa shaqyrý.

* Alash qaıratkerleriniń, sonyń ishinde din qyzmetkerleriniń (qazı, muhtasıb, ahýn, ıshan t.b) eleýli eńbekterin kópshilikke tanystyrý. Sonymen qatar Dinı basqarma aıasynda (meshitter, medreseler t.b) qyzmet etken ardager ımamdardyń oqıǵalary arqyly oqyrmandarǵa oı salý.

* El arasyndaǵy shyǵarmashylyq ıeleriniń qabilet-qarymyn shyńdap, jýrnal oqyrmandaryn tyń málimettermen baıytyp, pikir almasýǵa jol ashý.

Baıqaý sharttary:

* Baıqaýǵa Abaı ómiri men shyǵarmashylyǵyna, Alash qaıratkerleriniń ónegeli jolyna, sonymen qatar din qyzmetkerleriniń ıgi isterine arnalǵan barlyq janrdaǵy (Esse, maqala, estelik, zertteý, suhbat t.b) shyǵarmalar qabyldanady.

* Shyǵarmashylyq jumystar Microsoft Word túrinde joldanýy qajet. Maqala kólemi 14 shrıftpen, 1,0 ıntervalmen jazylýy jáne 5 betten aspaýy tıis.

* Bir qatysýshy bir ǵana materıal jibere alady. Shyǵarmalar qazaq tilinde qabyldanady. Baıqaýǵa qatysýshylardyń jasyna shekteý qoıylmaıdy.

* Báıgege qatysýshylar jumystaryna tolyq aty-jónin, telefon nómirin, meken-jaıyn jáne ózderi týraly qysqasha málimet qosyp, iman@muftyat.kz Elektrondy poshtasyna joldaýy qajet.

Baıqaý talaptary:

* Shyǵarmashylyq jumystar «Abaı. Alash. Asyl din» shyǵarmashylyq baıqaýyna» degen belgimen qabyldanady.

* Jumystardy qabyldaý 2025 jylǵy 15 qańtarynda bastalyp, 2025 jylǵy 15 tamyz kúni (saǵat 18.00-de) aıaqtalady.

* Taqyrypqa múldem qatysy joq, elimizdi, tilimizdi, dinimizdi mansuqtaıtyn materıaldar qabyldanbaıdy.

* Shyǵarmalardyń mazmundy, kórkem, sapaly obektıvti, kreatıvti jáne ózekti bolýyna asa mán beriledi.

Baıqaý barysy:

* Baıqaý jeńimpazdaryn kásibı jýrnalısterden jáne din mamandarynan jasaqtalǵan qazylar alqasy anyqtaıdy.

* Jeńimpazdar 2025 jylǵy tamyz aıynda (naqtyraq ýaqyty qosymsha habarlanady) anyqtalady.

Júlde qory:

Birinshi oryn – Umra qajylyǵyna joldama.

Ekinshi oryn – 300 myń teńge.

Úshinshi oryn – 200 myń teńge.

Budan bólek 5 adamǵa aqshalaı yntalandyrý (100 myń teńgeden) syılyǵy beriledi.

Uıymdastyrýshy: Qazaqstan musylmandary dinı basqarmasynyń «Munara» gazeti men «Iman» jýrnaly.

Redaktsııanyń meken-jaıy: 

Astana qalasy, Máńgilik el dańǵyly, 65.