2024 JYLY MEShITTERDE 22 301 ADAM SAÝAT AShTY (FOTO)
2023-2024 oqý jyly Qazaqstan musylmandary dinı basqarmasynyń oqý oryndaryn 724 túlek bitirdi. Onyń 166-sy Nur-Múbarak ýnıversıteti men 469-y Dinı basqarmaǵa qarasty 9 medrese-kolledjdi, 67-si Qarılar daıyndaý ortalyqtaryn támamdady.
«Hýsamýddın as-Syǵanaqı atyndaǵy ıslam ınstıtýtynyń Astana men Almatydaǵy 22 shákirtine ıjaza kýáligi tabys etildi. Imamdardyń bilimin jetildirý Islam ınstıtýtynan 201 ımam oqyp shyqty. Dinı saýat ashýǵa qatysqan jalpy jamaǵat sany – 22 301. «Namaz úırený» kýrstaryna 15789, al quran jattaý kýrsyna 6 050 shákirt qatysty. 2024 jyly Dinı bilim jáne kadr daıarlaý bólimi saýat ashý kýrstaryna arnap muǵalim sánı jáne tájýıd erejeleri, sondaı-aq «Imanı jaz» jazǵy saýat ashý kýrsyna arnap «Imandylyq álippesi» kitaptaryn shyǵardy» deıdi QMDB Dinı bilim jáne kadr daıarlaý bóliminiń meńgerýshisi Hasan Amanqul.
Sonymen qatar dinı oqý-aǵartý baǵytynda ımamdarǵa arnalǵan 148 semınar-kýrs uıymdastyryldy. «Imanı jaz» jazǵy saýat ashý kýrsynda 37 441 bala tálim aldy, onyń 26 150-i ul, 11 291-i qyz bala. Bas múftı tapsyrmasyna sáıkes ortalyq meshitterde ashylǵan Hadıstaný kýrsyna 7454 adam qatysty. Meshit shákirtteri arasynda Tájýıd, aqıda, fıqh, hadıs, ıslam tarıhynan 326 bilim saıysy uıymdastyrylyp, 7884 shákirt qatysty.
