2024 JYLY 447 KÁSIPORYN SERTIFIKATTALDY
Qazaqstan musylmandary dinı basqarmasyna qarasty «Halal Damý» standarttaý jáne sertıfıkattaý mekemesi 447 kásiporyndy jańadan sertıfıkattaýdan ótkizdi.
Bul týraly mekeme dırektory Aıbek Asqarbekuly: «2024 jyl «Halal Damý» mekemesi úshin tabysty jyl boldy. Bas múftı Naýryzbaı qajy Taǵanulynyń baǵdarlyq baıandamasynda berilgen tapsyrmalar tolyǵymen oryndalyp, odan bólek te birqatar ıgi sharalar atqaryldy. Jyl basynan beri 447 kásiporyn jańadan sertıfıkattaýdan ótti. Qazirgi kezde «QMDB HALAL» sertıfıkatymen 1925 kásiporyn men 1198 qasapshy ónim óndirýde.
Halyqaralyq baǵytta jasalǵan jumystar boıynsha Ózbekstan, Qyrǵyzstan, Reseı, Qytaı, Iran memleketterine «QMDB HALAL» sertıfıkatymen 10 myń halal ónim Eksporttaldy. Taraz qalasynda ótkizilgen halyqaralyq kórmege otandyq kásiporyndar men Qyrǵyzstan jáne Ózbekstan elderinen eń úzdik 70 kásiporyn qatysty. Eki kún aıasynda 15 myńǵa jýyq adam kórmege kelip, otandyq jáne shet eldik halal ónimdermen tanysty.
Bas múftı bastamasymen «Halal Damý» mekemesiniń Qazaqstan Respýblıkasynyń akkredıtteý júıesine sáıkes attestattalýy úlken jańalyq boldy. Memleket tarapynan berilgen bul qujat – «Halal Damý» mekemesiniń elimizdegi akkredıtteý júıesiniń talaptaryna tolyq sáıkes ekendigin rastaıdy. «Halal Damý» standarttaý jáne sertıfıkattaý mekemesi Qazaqstan Respýblıkasynyń akkredıtteý júıesinde «Sáıkestikti baǵalaý. Halal sertıfıkattaýdy júzege asyratyn organdarǵa qoıylatyn talaptar» QR ST OIC/SMIIC 2-2022 talaptaryna sáıkes akkredıtteldi.
