2024 JYLY 243 KITAP DINI SARAPTAMADAN ÓTTI

QMDB Dinı saraptama bólimi 2024 jyly 243 kitapqa saraptama jasady. Bul týraly bólim meńgerýshisi Nurlan Qaıyrbekov habarlady.

«2024 jyly saraptama nátıjesinde 211 kitapqa oń qorytyndy berildi. 12 kitapqa teris qorytyndy berilse, 73 kitap túzetilýge qaıtarylyp, 20 týyndy dinı emes kitap bolyp tanyldy. Mysyr, Túrkııa, Iran, Mońǵolııa, Ózbekstan, Reseı, Saýd Arabııasy syndy memleketterden ákelingen 1037 kitap boıynsha 19 ótinish qabyldanyp, komıssııa saraptaýynan ótti. Qazaqstan aýmaǵynda múftııatqa qarasty meshit janyndaǵy 109 dinı dúkenderge saraptama jasalyp, 2000-ǵa jýyq dinı ádebıet tekserildi. Nátıjesinde Qazaqstan musylmandary dinı basqarmasy saraptaý komıssııasynan ótpegen 32 kitap sórelerden alynyp tastaldy» dedi Nurlan Evfratuly.

​