JAQSY KISILERMEN DOS BOLÝ

قَالَ رَسُولُ اللهِ صَلَّى اللهُ عَلَيْهِ وَسَلَّمَ: قَالَ اللهُ عَزَّ وَجَلَّ اَلْمُتَحَابُّونَ فِي جَلَالِي لَهُمْ مَنَابِرُ مِنْ نُورٍ يَغْبِطُهُمُ النَّبِيُّونَ وَالشُّهَدَاءُ. (ت)

Paıǵambarymyz (s.a.ý.) bylaı deıdi: “Alla Taǵala bylaı buıyrady:"‘Meniń rızashylyǵym úshin birin-biri jaqsy kórgenderge (qııamet kúni) nurdan minber bar, paıǵambarlar men sheıitter olarǵa qyzyǵa qaraıdy". (Hadıs qudsı, Súnán Tırmızı)

Paıǵambarymyz (s.a.ý.) aıtqan: “Jaqsy dostyń mysaly hosh ıis satatyn adam tárizdi. Odan eshteńe satyp almasań da, hosh ıisiniń paıdasyn kóresiń. Al jaman dostyń mysaly temirshi sekildi. Onyń oty kıimińdi kúıdirmese de, tútini saǵan tıedi”.

Aqyldy adam qaıyrly kisilerdiń suhbatynan qol úzbeıdi, jaman adamdardyń suhbaty men májilisine jolamaıdy. 

Jamandarmen qatar otyrý jaqsy kisilerdiń jańsaq oılaýyna sebep bolady. Qaıyrly adamdardyń dostyǵy jaqsylyqqa, jaman adamdardyń dostyǵy jamandyqqa sebep bolady.

Súfııan ıbn Ýıáıná (rah.) bylaı degen: “Salıh jandy jaqsy kórý adamnyń Alla Taǵalany da jaqsy kórgeni”.

Malık ıbn Dınar (rah.) “Jaqsy kisilermen tas tasyǵan jaman adamdarmen birge eń dámdi astan ishkennen qaıyrly” degen.

Ábýd-Dárda (r.a.) bylaı degen: 

“Salıh dospen otyrǵan, árıne jalǵyzdyqtan jaqsy. Al jalǵyzdyq jaman dostan artyq. Jaqsylyq úıretýshiniń sózi únsizdiginen artyq. Jamandyq úıretýshiniń únsizdigi sózinen artyq”.

Úsh nárse adamnyń baqytynan sanalady; áıeliniń ózine saı, balasynyń qaıyrly, baýyrynyń (dosynyń) salıhaly bolǵany.

Jaman jerge baratynnyń taýqymetten arylmaıtyny sekildi, jamandarmen dos bolǵan da salaýat tappaıdy. 

Jaǵfar Sadyq (q.s.) aıtqan: “Eshkimge zulymdyq jasamaǵan, sózine eshqashan ótirik aralaspaǵan, bergen sózinde turatyn adam basqalardan mynadaı tórt qarymta kóredi: Onyń ádil jan ekenin moıyndaıdy, ony kemel kisi dep tanıdy, onymen dos bolýǵa umtylady, ol jaıly ǵaıbat sóılemeıdi”.

Ýáhb ıbn Múnábbıh (rah.); “Alla Taǵala bir salıh jannyń qurmetine bir qaýymdy –jamandyqtan- qorǵaıdy” degen.