Ysyrap

Taqýa kisilerden ysyrapqa qatty kóńil bóletin Hatımı Ásam degen kisi bar edi. Ózimen zamandas bir ǵalymnyń tym ysyrapshyl ekenin estigende, arnaıy izdep barady.

Kezdesken boıy: «Dindi úırensem dep edim, maǵan ustaz bol», – dep qolqa salady. Álgi ǵalym: «Aldymen ne úırengiń keledi?» – dep suraıdy. Hatımı Ásam: «Aldymen maǵan dáret alýdy úıret», – deıdi. Buny maqul kórgen ǵalym bappen dáret alyp, ár múshesin úsh retten jýyp shyǵady. Bárin baqylap otyrǵan Hatımı Ásam oǵan: «Endi men dáret alaıyn, qatelerim bolsa, túzetersiń», – dep, dáret alýǵa kirisedi. Alaıda shyntaqtaryna kelgende úsh ret emes, tórt retten jýady. Buny baıqap qalǵan ǵalym:

–  Sýdy ysyrap ettiń, – dep eskertedi.

–  Men qaı jerde ysyrap ettim? – dep qarsy suraq qoıady  Hatımı Ásam.

–  Qoldaryńdy shyntaqtaryńmen birge úsh ret jýýdyń ornyna sen tórt ret jýdyń, – deıdi ǵalym. Osyny kútip turǵan Hatımı Ásam sonda  oǵan: «Meniń bir urttam sýdy ysyrap etkenimdi qalt jibermediń, al ózińniń kún saıyn basqa nárselerge kóp ysyrap jasaıtynyńdy nege kórmeısiń?!» – deıdi. 

Ǵalym kisi Hatımı Ásamnyń din úırený úshin emes, ózine sabaq berý úshin kelgenin sol mezet túsinip, úıinen shyqpaı qyryq kún táýbe etken eken.