TÁJIRIBE

Myna álemde barlyq kúı men qarekettiń sharasy, barysy aqylǵa qandaı muqtaj bolsa, aqyl tájirıbege sondaı muqtaj. Al tájirıbe aqıqatty izdeýden turatyn materıaldyq jáne rýhanı jetilýge bárinen artyq qyzmet etip, sebep bolady. 

Tájirıbeden adamǵa zııan kelmeıdi jáne tájirıbege senim artpaǵan kisi ókinishten kóz ashpaıdy. Birdeńe ne bireý jaıly málimet alý úshin talaı júgingen nárseler adamǵa tájirıbe beredi. Áldekimniń qandaı adam ekenin kórý; keńesý, birdeńe jaıly odan aqyl suraý arqyly múmkin bolmaq. Eger ol ondaıda Allanyń buıryǵy men hıkmetine qaıshy búlik, kesirli nársege ıtermeleıtin bolsa, odan aýlaq bolǵan jón. Aqyldy adam tájirıbeden belgili jamanshylyqty “Múmin bir orǵa eki ret jyǵylmaıdy” degen hadıste aıtylǵandaı, qaıtalamaıdy, bir jylanǵa eki ret shaqqyzbaıdy.

Kezinde oryn alǵan túrli oqıǵalar arqyly kóz jetken tájirıbeler talaı kitapqa jazylǵan jáne dinimizde de tyıym salynǵan kóp nárse bar. Olardy mensinbeı, buǵan qarsy júrý, bile tura óz basyn qaterge tigý degen sóz. Al bul jaıyz da, laıyq ta is emes. Kúshke, baılyqqa maqtaný, uqypty bolatyn jerde asyǵý, jaýlyq etýi múmkin bireýmen ortaq iske kirisý, qaýipti ekeni aıtylǵan jerge barý tárizdi nárseler osyndaı tyıym salynǵan jaılar.

Buryn tájirıbe qaı kezde de naqty ólshem ornyna júretin. Osy ólshem sheginen aspaı ustaný qajet.