«Taýǵa shyǵyp taqýa bolý ońaı»
Sózimdi myna bir oqıǵamen bastaǵym keledi:«Ertede bir jigittiń úıin tyshqandar qaptap ketipti. Ashýlanyp, yzalanyp tyshqandardy qýyp júrgen kezde, kenetten úıge dosy kelip, qurdasynyń osy bir yzaly túrin kórgen sátte:
- Osy sen ne úshin mysyq asyrap almaısyń?, - deıdi.
Sonda áli jigit:
- Meniń mysyq asyrap alýǵa kúsh - qudiretim jetedi, biraq, myna tyshqandar mysyqtyń ısin sezip kórshimniń úıin ótip kete me dep qorqamyn», - degen eken.
Biz keıde taqýalyqty kóp kitap oqý, ádemi sóıleý, kóp qulshylyq qylý, jupyny kıiný dep oılaımyz. Al, biraq adamdarmen mámile jasaǵan ýaqytta murnymyzdy aspanǵa shúıiremiz. Kisi aqysyna kirip ketýden saqtanbaımyz.
Ábý hýraıra taqýalyq jaıly suraǵan bir jigitke bylaı jaýap bergen:«Sen tikendi joldy kórgensiń ba?, - deıdi.
Álgi jigit: Iıa! Dep jaýap beredi.
- Sol sátte ne jasaıtyń ediń?, - deıdi Ábý hýraıra. Sonda Álgi jigit:
- Eger tikendi kórgen bolsam, aıaǵyma kirip ketpesindep ári - beri qashqaptap júretin edim, - deıdi. Sol sátte Ábý hýraıra:
- Mine taqýalyq degen osy, - dep sózin aıaqtaǵan eken.
Qarap otyrsaq taqýalyq bizdiń barlyq isimizge aralasady. Osy sebepten de Paıǵambarymyz bylaı deıdi:«Qaıda bolsańda Alladan qoryq!»[1]
Qázir kezde qoǵamda musylmandyqtyń dárejesi tómen túsip bara jatyr. Sebebi, bilimsiz taqýalyqqa umtylyp, amalmen aldanyp qaldyq. Osy sepepten shyǵar keıbir adamdardyń musylmandarǵa degen ókpesi qara qazandaı. Biz ózimizdi japyraǵy jaıqalǵan, butaǵy qatty, tamyry tereń aǵash sekildi bolýymyz kerek. Bul aǵashqa qarǵada qonady, qarlyǵashta qonady. Bul aǵash ekeýinińde qajetinde boldy. Qoǵamda sol sekildi jaqsy da bar, jaman da bar.
Sahabalar Paıǵambarymyzdyń aınalasyna ne sebepti jınaldy?, sebebi ol kisi óte kórkem minezdi, adal, janashyr edi. Tipti Mekkedegi múshirikterdiń ózi ol kisge ıman keltirmesede zattaryn amanatqa tastap ketetin. Paıǵambarymyzda kisi aqysyn joǵaryp qoıyp ol zattarǵa qııanat jasamady. Mine, taqýalyqtyn úlgisin kórsete bilgen paıǵambardan ne úshin ónege almasqa?!
