TAŃ NAMAZYNAN KEIIN ORYNDAÝǴA BOLATYN 5 SÚNNET

Hadısterdiń birinde bylaı keltirilgen: «Tańǵy ýaqyt – bereke ári namazdyń óz maqsatyna jetetin kezi».

Kún qansha erte bastalsa, sonsha siz kóp isińizdi jasap úlgeresiz ári kún sonshalyqty jemisti ótetindigin baıqaǵan bolarsyz. Erte turý jáne tańǵy ýaqytqa degen erekshe kózqaras bizdiń asyl dinimizben usynylǵan. Iman keltirgender úshin erekshe berekeli ýaqyt bar, bul ýaqyt – tań namazynan keıingi kez, osy ýaqyt jóninde Paıǵambarymyz Muhammed (s.ǵ.s.) bylaı aıtqan bolatyn: «Ýa, Alla, tańǵy ýaqytta meniń úmbetime bereke ber».

Tań namazynan keıin oryndalatyn ári jańa kúnge nıettendiretin birneshe súnnetti usynamyz:

1. Allany eske alý

Hadıste bylaı keltirilgen: «Namaz oqyp bolǵan soń, ornynda qalyp Allany eske alatyn kez-kelgen adam úshin perishteler Alladan ol úshin keshirim suraýyn qoımaıdy eken. Perishteler bylaı aıtady: «Alla ony keshirshi! Alla oǵan raqymyńdy tókshi» (Buharı).

Al basqa hadıste bylaı aıtylǵan: «Kimde-kim tań namazyn oqyp bolyp, ornynda qalyp, kún shyqqansha Allany eske alsa, al kún shyqqan soń eki rakaǵat namaz oqysa, ol tolyqtaı kishi jáne úlken qajylyq ótegendeı saýap alady» (Tırmızı).

2. Dýha namazy

Dýha namazy – erikti túrde oqylatyn nápil namaz, ony kún shyqqannan keıin 20 mınýttan soń ári besin namazyna 45 mınýt qalǵanǵa deıin oqýǵa bolady. Dýha namazyn oqý – kúnniń sátti ótýiniń kepili.

Hadıste bylaı aıtylǵan: «Eki rakaǵat dýha namazyn oqýda tabandylyq tanytqan adamnyń teńizdiń kóbigindeı kóp (kishi) kúnálary bolsa da, keshiriledi» (Tırmızı).

Al basqa hadıste bylaı keltirilgen: «Jumaqta «Dýha» qaqpasy bar. Qııamet kúni habarshy bylaı aıtady: «Dýha namazyn oqyǵandar qaıda? Mynaý sender kiretin qaqpa, Allanyń meıirimimen osynda kirińder» (Tabaranı).

3. Quran oqý

Tańǵy ýaqytty Quran oqýǵa jáne onyń maǵynasy jóninde oılanýǵa arnaǵan óte paıdaly. Bul ýaqytta adam ózin Quranǵa ǵana arnap kúlli álemnen ońashalanyp, saýaptar men Alla Taǵalanyń razylyǵyna keńeletin kez. Sonymen qatar, osy ýaqyt Qurandy jattaýǵa eń laıyq shaq.

Qasıetti Quranda Alla Taǵala bylaı aıtqan: «Tús qıǵannan, túnniń qarańǵylyǵyna deıin namaz oqy (besin, ekinti, aqsham jáne jashyıyq namazdary). Ári tań namazyn oqy. Kúdiksiz tań namazyna perishteler de qatynasady» (17:78).

Al hadıste bylaı aıtylǵan: «Eger adam Quran oqýdy keshke aıaqtasa, perishteler onyń keshirilýin tań atqansha suraıtyn bolady, al eger adam Quran oqýyn tańerteń bitirse, perishteler onyń keshirilýin keshke deıin suraıdy».

4. Duǵa

Kúlli álem shyrt uıqyda jatqan osy bir qaıyrly ýaqytta, Alla Taǵaladan asa mańyzdy nárseni surańyz, ózińiz ári jaqyndaryńyz úshin duǵa jasańyz, ózińizge qajet nárseni Allanyń násip etýin tileńiz. Duǵany shynaıy nıetpen jasańyz.

5. Kún tártibi

Bul pýnkt Alla Elshisiniń (s.ǵ.s.) súnnetine jatpaıdy, degenmen, óz ýaqytyna uqypty qaraýdyń belgisi bolyp tabylady. Tań ata kele kúni boıy jasaıtyn isterińizdiń tizimin jasap alyńyz da sol tártipke saı áreket etińiz, kúnińiz jemisti bolyp ótkenin kóresiz, ın sha Alla!