Tamaqty ortasynan bastama!

Paıǵambarymyzdyń sahabalarynyń biri Abdýlla ıbn Býsr (r.a.) áńgimeleıdi.

«Paıǵambarymyzdyń (s.ǵ.s) Ǵarra atty tórt jaǵynan tórt adam ustap, kóteretin úlken tegenesi bar-tyn. Bir kúni kún naıza boıy kóterilip, duha namazyn oqyǵan soń, álgi tegenemen ishine nan men et buqtyrylǵan shalma kóje ákelindi. Adamdar birtindep tegeneniń aınalasyna jınala bastady.

As ishýge jıylǵan jurttyń qarasy kóbeıip ketken soń Alla elshisi (s.ǵ.s.) tizerleı otyrdy. Muny kórgen bir bádáýı: «Myna otyrysyńyz ne?» – dedi. Sonda Alla elshisi (s.ǵ.s.) oǵan: «Shynynda, Alla Taǵala meni qasarysqan ozbyr etip emes, qoly ashyq qarapaıym qul etip jaratty», – dep jaýap berdi.

Sodan keıin sahabalaryna: «Shetinen jeńder. Ortasynan bastamańdar, sonda astaryń berekeli bolady», – dep aıtty.