ShYNAIY DOSTYQ
Jalǵyzdyqtyń tek Jaratqanǵa ǵana jarasatynynyn eskersek, adam balasyna ata-ana, asyl jar bala-shaǵadan keıin eń qajet bolǵan adam, ol – shynaıy dos. Asyl dinimiz Islamda dostyqtyń alatyn orny erekshe. Alla Taǵala qasıetti Quran kárimde bylaı deıdi: «Dostardyń taqýalarynan basqalary sol kúni (Qııamet kúni) bir-birine dushpan bolady» («Zýhrýf» súresi, 67-aıat).
Iaǵnı, Alla Taǵala myna ómirde, Ózine serik qospastan taqýalyq qylyp, bir-birimen dos bolǵandardyń kelesi ómirde jaǵdaılarynyń jaqsy halde bolatynyn baıan etken. Paıǵambarymyzda (s.ǵ.s) óz hadıs shárıfinde adam dosynyń dininde ekenin, úmbetine kimmen dos bolyp júrgenin qadaǵalaý kerektigin aıtyp ótken.
«Shynaıy dos tabý – adam balasy úshin úlken nyǵmet. Kimde-kim sondaı dos tapsa odan ajyramasyn», – dep, ımam Shafıǵı, Hasan al Basrı syndy áýelgilerden bolǵan ǵalymdarymyz da dostyqtyń adam ómirindegi qunyn aıqyndaǵan.
Osy oraıda dana halqymyz dosy kóptiń dushpan qolynda qalmaıtynyn aıtyp, tipti «Jigitti joldasynan tany» dep, kisige joldasy arqyly baǵa bergen. Dostyń da túrleri bar: bireýi murnyńnan qan shyqqansha, bireýi qaltańnan mal shyqqansha, bireýi keýdeńnen jan shyqqansha deıdi. Dos-serikke bizdiń muqtajdyǵymyz – Allanyń aldynda dármensiz qul ekendigimizdiń aıǵaǵy.
Alla Taǵala barshamyzǵa Óziniń razylyǵy úshin bir-birimizdi jaqsy kóretin, Ony umytqanda eske salatyn, qııamet kúni Paıǵambarymyzdyń týynyń astyna birge jınalatyn dostar násip etsin!
Hýsaınov Altynbek
«Yryskeldi qajy» meshitiniń naıb ımamy
